ທີມຊາດລາວ ຊຸດໃຫຍ່ ອັນດັບໂລກ ຫຼື ຟີຟາ ແຣງກີ້ງປັດຈຸບັນ 183 ລົງສະໜາມນັດທໍາອິດເສຍໃຫ້ກັບ ມານດິບ ອັນດັບໂລກ 156 ໃນການແຂ່ງຂັນບານເຕະ FIFA DAY ປະຈໍາວັນທີ 24 ກັນຍາ 2022 ທີ່ປະເທດບຣູໄນ

ນັດນີ້ ທີມຊາດມານດິວ ໄດ້ປະຕູຂຶ້ນນໍາໄປກ່ອນ 1-0 ກ່ອນທີ່ຈະໝົດເຄິ່ງເວລາທໍາອິດ ບຸນພະຈັນ ບຸນກອງ ມາຍິງປະຕູຕີສະເໝີໃຫ້ກັບ ທີມຊາດລາວ ໄລ່ມາເປັນ 1-1, ສ່ວນເຄິ່ງເວລາທີ 2 ທີມຊາດມານດິວ ໄດ້ 2 ປະຕູລວດ ຂຶ້ນນໍາເປັນ 3-1 ກ່ອນຈົບການແຂ່ງຂັນ ມານດິວ ຊະນະໄປ

ນັດນີ້ ທີມຊາດລາວ ຖືວ່າສູ້ໄດ້ດີ ແລະ ມີໂອກາດລຸ້ນປະຕູຫຼາຍຄັ້ງ, ສ່ວນການເສຍປະຕູແມ່ນເກີດຈາກຄວາມຜິດພາດ

ສໍາລັບ ນັດຕໍ່ໄປ ວັນທີ 27 ກັນຍາ 2022 ເວລາ 16:00 ທີມຊາດບຣູໄນ ພົບກັບ ທີມຊາດລາວ, ສ່ວນ ທີມຊາດມານດິວ ແຂ່ງຂັນຄົບ 2 ນັດ ໂດຍນັດທໍາອິດຊະນະ ເຈົ້າພາບ ບຣູໄນ 3-0 ໂດຍທຸກໆນັດ ແຂ່ງຂັນທີ່ສະໜາມ Track and Field Hassanal Bolkiah Sports Complex, ໃນເມືອງ Bandar Seri Begawan ປະເທດບຣູໄນ.

ຮູບຈາກ: ສຕລ