ແພຣວາ ມິຊາໂຕະ ພິລາພັນເດຊ ນັກກິລາຢິມນາສຕິກສາວລາວ ສ້າງຜົນງານໂດດເດັ່ນກວາດ 4 ຫຼຽນຄໍາ ແລະ ຂັນລາງວັນຄະແນນລວມຮຸ່ນອາຍຸ 16-18 ປີ ໃນການແຂ່ງຂັນກິລາໂຮງຮຽນ ກົມພະລະສຶກສາ ປະຈໍາປີ 2022 ຢິມນາສຕິກລີລາ ທີ່ປະເທດໄທ ເມື່ອວັນທີ 17 ກັນຍາ 2022.
ໂດຍ 4 ຫຼຽນຄໍາຂອງ ແພຣວາ ໄດ້ຈາກປະເພດ ບຸກຄົນລວມອຸປະກອນ, ໝາກບານ, ຄະທາ ແລະ ຣິບບິ້ນ. ນອກນັ້ໜ ຍັງໄດ້ອີກ 1 ຫຼຽນທອງຈາກປະເພດ ອຸປະກອນຫ່ວງ.
ສໍາລັບ ແພຣວາ ເປັນນັກກິລາຢິມນາສຕິກລາວ ເຄີຍເຂົ້າແຂ່ງຂັນໃນຊີເກມ ຄັ້ງຫຼ້າສຸດໃນນາມຕົວແທນທີມຊາດລາວ ແລະ ກ່ອນຫຼ້ານີ້ກໍຄວ້າໄປ 3 ຫຼຽນທອງໃນລາຍການ Singapore Open 2022 Gymnastic ເມື່ອເດືອນມິຖຸນາທີ່ຜ່ານມາ ລາຍລະອຽດເບິ່ງຄລິບລຸ່ມນີ້
