ວັນທີ 16 ກັນຍາ 2022 ທ່ານ ບຸນທອງ ຈິດມະນີ ຜູ້ປະຈຳການເລຂາທິການສູນກາງພັກ ຮອງປະທານປະເທດ ພ້ອມຄະນະໄດ້ເຄື່ອນໄຫວຕິດຕາມ, ກວດກາ ແລະ ຊຸກຍູ້ວຽກງານກະກຽມຄວາມພ້ອມຂອງງານມະຫາກຳກິລາແຫ່ງຊາດ ຄັ້ງທີ XI ຢູ່ແຂວງຊຽງຂວາງ ທີ່ຈະເປັນເຈົ້າພາບໃນທ້າຍປີ 2022 ນີ້ ໂດຍໄດ້ຮັບການຕ້ອນຮັບຈາກພະນັກງານຫຼັກແຫຼ່ງຂອງແຂວງ ແລະ ຜູ້ຕາງໜ້າຈາກພາກສ່ວນທີ່ກ່ຽວຂ້ອງ.

ໃນໂອກາດດຽວກັນນີ້ ທ່ານ ຮອງປະທານປະເທດ ພ້ອມດ້ວຍຄະນະຍັງໄດ້ໄປກວດກາເບີ່ງຄວາມພ້ອມດ້ານພື້ນຖານໂຄງລ່າງຮັບໃຊ້ການແຂ່ງຂັນກິລາແຫ່ງຊາດ ຄັ້ງທີ XI ໂດຍສະເພາະສະໜາມກິລາປະເພດຕ່າງໆ ແລະ ສະຖານທີ່ອື່ນຕື່ມອີກ.

.

ໂອກາດນີ້, ທ່ານຮອງປະທານປະເທດ ແຫ່ງ ສປປລາວ ໄດ້ສະແດງຄວາມຊົມເຊີຍຕໍ່ຜົນສຳເລັດທີ່ຍາດມາໄດ້ ພ້ອມທັງເນັ້ນໃຫ້ເອົາໃຈໃສ່ສືບຕໍ່ຈັດຕັ້ງຜັນຂະຫຍາຍ ມະຕິຂອງພັກ ແຜນພັດທະນາເສດຖະ ກິດ-ສັງຄົມ, ສຶກສາອົບຮົມການເມືອງແນວຄິດ, ເປັນເຈົ້າການໃນການຈັດຕັ້ງປະຕີບັດ, ແກ້ໄຂແນວຄິດເອື່ອຍອີງ, ແຂ່ງຂັນພັດທະນາ ສ້າງສະຕິເປັນເຈົ້າ, ສືບຕໍ່ຄົ້ນຄ້ວາ ນຳໃຊ້ທ່າແຮງຂອງແຂວງ ເຂົ້າໃນການພັດທະນາ ແກ້ໄຂຄວາມທຸກຍາກ, ສືບຕໍ່ຜັນຂະຫຍາຍ ຈັດຕັ້ງປະຕິບັດວາລະແຫ່ງຊາດ, ສູ້ຊົນປະຕິບັດບັນດາຄາດໝາຍໃນການພັດທະນາ, ເອົາໃຈໃສ່ປ້ອງກັນ, ຕ້ານພະຍາດໂຄວິດ19 ແລະ ໄຂ້ຍຸງ, ສ້າງ ພັດທະນາ ແລະ ຄຸ້ມຄອງແຮງງານໃຫ້ເປັນລະບົບ, ຈັດສັນບ້ານຕິດພັນກັບການຈັດສັນອາຊີບຄົງທີ່, ສືບຕໍ່ ສຶກສາອົບຮົມວຽກງານປ້ອງກັນຊາດ-ປ້ອງກັນຄວາມສະຫງົບ, ດຸໝັ່ນຮ່ຳຮຽນ ຍົກລະດັບຄວາມຮູ້ຄວາມສາ ມາດ ແລະ ທິດສະດີການເມືອງການປົກຄອງ, ຕິດຕາມກວດກາ ພະນັກງານສະມາຊິກພັກ, ເຕົ້າໂຮມຄວາມສາມັກຄີບັນດາເຜົ່າໃຫ້ແໜ້ນແຟ້ນ ພ້ອມກັນພັດທະນາແຂວງຊຽງຂວາງ ໃຫ້ຈະເລີນຂຶ້ນເລື້ອຍໆ.