ເດໂກ້ ຄັອສຕ້າ ກອງໜ້າພັນໂຫດຊາວສະເປນ (ແອັສປາຍ) ເຊື້ອສາຍເບຣຊິນ ໄວ 33 ປີ ອະດີດກອງໜ້າ ເຊວຊີ ກັບມາສັງວຽນ ພຣີເມ່ຍລີກ ອີກຄັ້ງ ມາຢ່ກັບທັບໝາປ່າ ວູຟແຮມຕັນ ວັນເດີເຣີ ໂດຍບໍ່ມີຄ່າໂຕ ພາຍຫລັງໝົດສັນຍາກັບ ແອັດເລຕິໂກ້ ມາດຣິດ ມາແຕ່ເດືອນມັງກອນປີນີ້, ຄັອສຕ້າ ເຊັນສັນຍາໄລຍະສັ້ນກັບ ວູຟ ຈົນສິ້ນສຸດລະດູການນີ້.

ສຳລັບ ເດໂກ້ ຄັອສຕ້າ ມີປະສົບການເຄີຍຢູ່ກັບ 9 ສະໂມສອນໃນປັອກຕຸຍການ, ແອັສປາຍ, ອັງກິດ ແລະ ເບຣຊິນ ລົງຫລິ້ນ 495 ນັດ ຍິງ 188 ປະຕູ, ປະສົບຜົນສຳເລັດກັບ ແອັດມາດຣິດ ໄດ້ແຊ້ມ ລາລີກ້າ 2 ສະໄໝ, ໂຄປ້າເດວເຣ, ຢູໂຣປ້າລີກ ຢ່າງລະໜຶ່ງສະໄໝ, ຢູຟ້າ ຊຸບເປີຄັບ 3 ສະໄໝ. ພ້ອມກັນນີ້ ກໍໄດ້ແຊ້ມ ພຣີເມ່ຍລີກ ກັບ ເຊວຊີ 2 ສະໄໝ, ລີກຄັບ ໜຶ່ງສະໄໝ, ຢູ່ກັບ ເຊວຊີ 3 ລະດູການ ລົງຫລິ້ນ 120 ນັດ ຍິງ 59 ປະຕູ, ຈາກນັ້ນໄປຢູ່ກັບ ແອັດເລຕິໂກ້ ມິເນໂຣ້ ໃນລີກເບຣຊິນ ກໍໄດ້ແຊ້ມລີກສູງສຸດຂອງເບຣຊິນ ຢ່າງລະໜຶ່ງສະໄໝ.

Photo: Wolverhampton Wanderers FC