ຢ່ານັ່ງຄິດໜັກເລື່ອງບໍ່ມີວຽກເຮັດງານທຳ ມີຄຳເວົ້າໃຫ້ທຸກຄົນຈື່ຈຳໄວ້ “ບໍເລືອກງານບໍ່ຍາກຈົນ” ໃຜທີ່ຍັງວ່າງງານຢູ່ ແອັດຂໍແນະນຳທີ່ນີ້ເລີຍ! ສະຖານທີ່ຢູ່ລາວບໍຕ້ອງແລ່ນເອກະສານໃຫ້ຫຍຸ້ງຍາກ ຢາກກັບບ້ານມື້ໃດບໍ່ຕ້ອງຄິດງໍ້.

ທີ່ກຳລັງເວົ້າເຖິງນີ້ຄື ໂຮງງານລາວຄວາລາຕີ ຈຳກັດ ຈຳກັດຜູ້ດຽວ ເລີີ່ມສ້າງແຕ່ປີ 2012 ຈົນເຖິງປະຈຸບັນ ລົງທຶນໂດຍຊາວຍີ່ປຸ່ນເຊີ່ງເປັນ ທຸລະກິດຜະລິດວິກຜົມ ສົ່ງອອກຂາຍຕ່າງປະເທດ.ນັບຕັ້ງແຕ່ປີ 2018 ທີ່ໄດ້ເລີ່ມເຊັນບົດບັນທຶກການຮ່ວມມືລະຫວ່າງ ສະຖາບັນພັດທະນາສີມືແຮງງານ ແລະ ບໍລິສັດ ລາວຄວາລາຕີ ຈໍາກັດຜູ້ດຽວຈົນເຖິງປະຈຸບັນແມ່ນມີຄວາມສຳເລັດໄປຫຼາຍບາດກ້າວ ໄດ້ຊ່ວຍໃຫ້ ນ້ອງໆແມ່ຍິງໄດ້ມີວຽກເຮັດງານທຳມີລາຍຮັບທີ່ໝັ້ນຄົງ ແລະ ທາງສະຖາບັນພັດທະນາສີມືແຮງງານໄດ້ສະໜອງແຮງງານໃຫ້ທາງໂຮງງານລາວຄວາລາຕີຫຼາຍກວ່າ 2500ຄົນ.

ແຕ່ປະຈຸບັນທາງໂຮງງານຍັງຕ້ອງການແຮງງານເພີ່ມປະມານ 500 ຄົນ, ຜູ້ທີ່ມີຄວາມສົນໃຈ ແມ່ນສາມາດຕິດຕໍ່ໄດ້ທີ່ເບີໂທ ຫຼື ວອດແອັບ 020 58448281 , 020 55015393 ແລະ 021 319039.  ບໍລິສັດຕັ້ງຢູ່ : ບ້ານໂພນປ່າເປົ້າ, ເມືອງ ສີສັດຕະນາກ, ນະຄອນຫລວງວຽງຈັນ, ມີສາຂາ ຕັ້ງຢູ່ ນະຄອນໄກສອນ, ແຂວງສະຫວັນນະເຂດ

ສຳລັບກຳລັງຜະລິດຂອງບໍລິສັດໄດ້ຫຼາຍກວ່າ: 30,000 ອັນຕໍ່ປີ ເຊິ່ງຄວາມຕ້ອງການຂອງຕະຫຼາດຍັງມີຫຼາຍກວ່າ ປະຈຸບັນມີແຮງງານທັງໝົດ ຈຳນວນ: 1053 ຄົນ, ຍິງ1045 ຄົນ ສະຫວັດດີການ ຕໍ່ພະນັກງານ : ມີຫໍພັກ, ມີຕຽງນອນ, ຜ້າຫົ່ມ, ໝອນ, ມຸ້ງຟີຣ, ເຂົ້າກິນ3 ຄາບຟຣີ (ເຂົ້າໜຽວ – ເຂົ້າຈ້າວ),ອາຫານແມ່ນຊື້ເອງ, ນໍ້າປະປາ, ໄຟຟ້າຟຣີ, ມີຈັກຊັກຜ້າໃຫ້ໃຊ້ຟຣີ, ແລະ ປະກັນສັງຄົມເພື່ອໃຫ້ກັບພະນັກງານທຸກຄົນ, ມີແພດປະຈຳຢູ່ໂຮງງານ, ທຸກໆເດືອນ ຈະມີການຈັດງານວັນເກີດໃຫ້ກັບພະນັກງານ, ມີງານລ້ຽງປະຈຳປີ (ວັນແມ່ຍິງ, ປີໃໝ່ສາກົນ).

ສ່ວນລາຍໄດ້ສະເລ່ຍຂອງພະນັກງານຜະລິດ: ເງິນເດືອນພື້ນຖານຂອງພະນັກງານ: 1,600,000ກີບລວມລາຍຮັບອື່ນໆຂອງພະນັກງານ ສະເລ່ຍ: 2,000,000 – 4,700,000ກີບ / ເດືອນ