ຊາຍຜູ້ ພາ ເບຣນຟອດ ນ໊ອກທີມຍັກໃຫຍ່ໃນພຣີເມຍລີກ ບໍ່ວ່າຈະເປັນການລົ້ມ ແມນຢູ ແບບຂາດລອຍ, ລົ້ມແມນຊິຕີ້ ແລະ ຫຼ້າສຸດຊະນະ ລິເວີພູລ ສໍາລັບ ໂທມັສ ແຟຣງ ຜູ້ຈັດການທີມຂອງ ເບຣນຟອດ ຫຼັງສ້າງຜົນງານຢ່າງໂດດເດັ່ນໃນພຣີເມຍລີກ ອັງກິດ ລະດູການ 2022-2023 ເຮັດໃຫ້ລາວກາຍເປັນຜູ້ຈັດການທີມທີ່ຖືກເວົ້າເຖິງກັນຫຼາຍທີ່ສຸດໃນຕອນນີ້.

ໂດຍສະເພາະນັດຫຼ້າສຸດວັນທີ 3 ມັງກອນ 2022 ເບຣນຟອດ ສາມາດເປີດບ້ານເອົາຊະນະ ລິເວີພູລ 3-1 ໃນການແຂ່ງຂັນພຣີເມຍລີກ ອັງກິດ ເຮັດເຮັດໃຫ້ ເບຣນຟອດ ເກັບເພີ່ມເປັນ 26 ຄະແນນເລື່ອນຂຶ້ນໄປຢູ່ອັນດັບທີ 7 ຂອງຕາຕະລາງຄະແນນລວມຕາມຫຼັງ ລິເວີພູລ ທີມອັນດັບ 6 ພຽງ 2 ຄະແນນເທົ່ານັ້ນ ( ເບິ່ງລາຍລະອຽດທີ່ຄລິບເພີ່ມຕື່ມ )

ຈາກຜົນດັ່ງກ່າວເຮັດໃຫ້ ແຟຣງ ພາ ເບຣນຟອດ ບໍ່ເສຍໃຫ້ກັບທີມໃດມາ 6 ນັດຕິດຕໍ່ກັນ ແລະ ຍັງມີສະຖິຕິທີ່ໂດດເດັ່ນເມື່ອພົບກັບ 6 ທີມຍັກໃຫຍ່ໃນພຣີເມຍລີກ ອັງກິດ ລະດູການນີ້ຫຼັງຜ່ານໄປ 18 ນັດຄື: ເປີດບ້ານຊະນະ ລິເວີພູລ 3-1, ເປີດບ້ານສະເໝີ ສະເປີ 2-2, ບຸກຊະນະ ແມນເຊັສເຕີ ຊິຕີ້ 2-1, ເປີດບ້ານສະເໝີ ເຊລຊີ 0-0, ເປີດບ້ານເສຍໃຫ້ ອາເຊນອລ 0-3 ແລະ ເປີດບ້ານຊະນະ ແມນເຊັສເຕີ ຢູໄນເຕັດ 4-0.