ທີມຊາດລາວ ຊຸດໃຫຍ່ ຫຼັງອີງຝາໃນ AFF Mitsubishi electric Cup 2022 ຫຼັງລົງສະໜາມໄປ 2 ນັດເສຍໄປທັງໝົດ ທີ່ສໍາຄັນເສຍໄປເຖິງ 11 ປະຕູ ແລະ ບໍ່ສາມາດຍິງປະຕູຄູ່ແຂ່ງໄດ້ແມ່ນແຕ່ໜ່ວຍດຽວ ແນ່ນອນໃນວັນທີ 27 ທັນວານີ້ ຈະຮັບການມາຢາມຂອງ ທີມຊາດສິງກະໂປ ທີ່ສະໜາມກີລາແຫ່ງຊາດ ຫຼັກ 16 ໃນນະຄອນຫຼວງວຽງຈັນ ສປປ ລາວ.

ຫຼ້າສຸດ ໃນຕອນເຊົ້າຂອງວັນທີ 26 ທັນວາ 2022 ໄດ້ມີພິທີຖະແຫຼງຂ່າວຄວາມພ້ອມກ່ອນການແຂ່ງຂັນນັດທີ 3 ຂອງທີມຊາດລາວ ທີ່ຈະພົບກັບ ສິງກະໂປ ຢູ່ທີ່ໂຮງແຮມແລນມາກ ໂດຍ ທ່ານ ໄມເຄິລ ໄວທ໌ ຫົວໜ້າຄູຝຶກຊ້ອມທີມຊາດລາວ ກ່າວວ່າ: ນັກເຕະທີມຊາດລາວ ຊຸດນີ້ແມ່ນໃຊ້ນັກເຕະໜຸ່ມນ້ອຍເກືອບໝົດທີມ ແລະ ບິລລີ ກໍຍັງໄດ້ຮັບບາດເຈັບ. ຢ່າງໃດກໍຕາມ ນັດທີ່ຈະພົບກັບ ສິງກະໂປ ພວກເຮົາພ້ອມຈະສູ້ເຕັມທີ່, ສ່ວນ ຄູຝຶກຂອງ ສິງກະໂປ ແມ່ນຕັ້ງເປົ້າເກັບໄຊຊະນະໃຫ້ໄດ້ ( ເບິ່ງລາຍລະອຽດທີ່ຄລິບລຸ່ມນີ້ )

ສ່ວນສະຖິຕິການພົບກັນທີ່ຜ່ານມາ ທີມຊາດລາວ ເສຍໃຫ້ກັບ ສິງກະໂປ ທັງໝົດເບິ່ງຄລິບລຸ່ມນີ້: