ກ່ອນອື່ນແອັດມິນຂໍສະແດງຄວາມຍິນດີ ແລະ ຄວາມອົດທົນ ລວມເຖິງຄວາມສາມາດຂອງ ສາວ ພຸດທະສອນ ພູນວິໄລ ຫຼື ນ້ອງ ບຸນ ນັກສຶກສາໜ້າຫວານ ຈາກ ວິທະຍາໄລ ສຸກສະຫວັດ ທີ່ກ່ອນໜ້ານີ້ເຄີຍເປັນນັກກິລາບານສົ່ງ ລົງແຂ່ງຂັນບານສົ່ງຫາດຊາຍ ໃນປີ 2020 ສາມາດສ້າງຜົນງານໂດດເດັ່ນ ແລະ ສ້າງສີສັນໃຫ້ກັບງານບານສົ່ງຊີງຂັນ ສະຫະພັນບານສົ່ງແຫ່ງຊາດ ໃນປີ 2020 ທີ່ຜ່ານມາ.
ຫຼ້າສຸດ ສາວ ບຸນພູນວິໄລ ກໍໄດ້ເຂົ້າຮ່ວມປະກວດໃນເວທີນາງສາວລາວ 2022 ( Miss Laos 2022 ) ໝາຍເລກ ML27 ສາມາດຕິດ 1 ໃນ 30 ຄົນສຸດທ້າຍ ຈົນຫຼ້າສຸດອີກຄັ້ງໜຶ່ງ ສາວບຸນ ສາມາດຄວ້າລາງວັນ ນາງສາວແຫ່ງຍຸກສະໄໝ ໄປຄອງໃນເວທີດັ່ງກ່າວ ພ້ອມຮັບເງິນລາງວັນ 5 ລ້ານກີບ ສົມກັບການເຂົ້າຮ່ວມກອງປະກວດດັ່ງກ່າວທີ່ໄດ້ມີການເກັບຕົວ ແລະ ຮ່ວມກິດຈະກໍາຕ່າງໆຕະຫຼອດຫຼາຍເດືອນທີ່ຜ່ານມາ ຈົນໃນທີ່ສຸດນ້ອງກໍປະສົບຜົນສໍາເລັດຂໍສະແດງຄວາມຍິນດີນໍາ.
ນອກນັ້ນ, ນ້ອງ ບຸນ ພຸດທະສອນ ພູນວິໄລ ຍັງມີຄວາມສາມາດໃນການສະແດງຮູບເງົາສັ້ນ ( Actress – singer ) ຈາກສັງກັດ SNtertainment ອີກດ້ວຍ
