• Fri. Dec 1st, 2023

Lao Sport Update

ຮອບດ້ານວົງການກິລາ

ເປີດ​ການ​ຊ້ອມ​ຮົບ​ຮ່ວມ​ກຳລັງ​ຕີ​ພິເສດ ລາວ-ຫວຽດນາມ “ສາຍຟ້າ​ແມບ 01” ປະຈຳ​ປີ 2022

ພິທີ​ເປີດ​ການ​ຊ້ອມຮົບຮ່ວມ ​ກຳລັງ​ຕີ​ພິເສດ ລາວ-ຫວຽດນາມ ພາຍ​ໃຕ້​ລະຫັດ “ສາຍຟ້າ​ແມບ 01” ປະຈຳ​ປີ 2022 ໄດ້ໄຂຂຶ້ນ ໃນ​ວັນ​ທີ 5 ກັນຍາ 2022 ນີ້, ໂດຍ​ການ​ເປັນ​ປະທານ​ຂອງ ສະຫາຍ ພົນ​ຕີ ຄຳ​ລຽງ ອຸ​ທະ​ໄກສອນ ກຳມະການ​ສູນ​ກາງ​ພັກ, ຮອງ​ລັດຖະມົນຕີ​ກະຊວງ​ປ້ອງ​ກັນ​ປະ ເທດ, ຫົວໜ້າ​ກົມ​ໃຫຍ່​ເສນາ​ທິ​ການ​ກອງທັບ, ມີ ສະຫາຍ ບຸນ​ຈັນ ສີ​ວົງ​ພັນ ກຳມະການ​ສູນ​ກາງ​ພັກ, ເລຂາ​ພັກ​ແຂວງ ເຈົ້າແຂວງ ແຂວງ​ຊຽງ​ຂວາງ, ສະຫາຍ ພັນ​ເອກ ຮວາງ​ມຸ້ງ​ເຊີນ ຫົວໜ້າ​ກອງ​ບັນຊາ​ການ​ເຫຼົ່າ​ຮົບ​ຕີ​ພິເສດ​ກອງ ທັບ​ປະຊາຊົນ​ຫວຽດນາມ ແລະ ພາກສ່ວນ​ທີ່​ກ່ຽວຂ້ອງ​ເຂົ້າ​ຮ່ວມ.

ໃນ​ພິທີ ສະຫາຍ ພົນ​ຕີ ຄຳ​ລຽງ ອຸ​ທະ​ໄກສອນ ໄດ້ກ່າວ ໃນ​ພິທີ​ເປີດ​ການ​ຊ້ອມ​ຮົບ​ຮ່ວມ ຂອງ ​ສອງກຳລັງ​ຕີ​ພິເສດ ລາວ-ຫວຽດນາມ ຢ່າງ​ເປັນທາງ ການ ​ວ່າ: ການ​ຊ້ອມ​ຮົບ​ພາຍໃຕ້​ ລະຫັດ“ສາຍຟ້າ​ແມບ 01” ປະຈຳ​ປີ 2022 ກໍ​ເພື່ອ​ເປັນ​ການ​ເສີມ​ສ້າງ​ມິດຕະພາບ​ການ​ຮ່ວມ​ມື​ລະຫວ່າງ​ສອງ​ຊາດ, ສອງ​ກອງທັບ ແລະ ປະຊາຊົນ​ສອງ​ຊາດ ລາວ-ຫວຽດນາມ, ຫວຽດນາມ-ລາວ ເວົ້າ​ລວມ, ເວົ້າ​ສະເພາະ​ແມ່ນ​ສອງ​ເຫຼົ່າ​ຮົບ​ຕີ​ພິເສດ​ຂອງ​ກອງທັບ​ປະຊາຊົນ​ລາວ-ຫວຽດນາມ ໃຫ້​ນັບ​ມື້​ເພີ່ມ​ທະວີ​ໃຫ້​ມີ​ຄວາມແໜ້ນ​ແຟ້ນ​ຍິ່ງໆ​ຂຶ້ນ, ໂດຍ​ສະເພາະ​ແມ່ນ​ການ ຮ່ວມມື​ດ້ານ​ການ​ທະຫານ, ສ້າງ​ຄວາມ​ເຊື່ອ​ໝັ້ນ ແລະ ເພີ່ມ​ທະວີ​ການ​ຊ່ວຍເຫຼືອ​ເຊິ່ງ​ກັນ ແລະ ກັນ ໃນ​ຂົງເຂດ​ວຽກ​ງານ​ປ້ອງ​ກັນ​ຊາດ.

ສະນັ້ນ, ການ​ຊ້ອມ​ຮົບ​ ຮ່ວມ​ລະ​ຫວ່າງ​ສອງ​ກຳລັງ​ຕີ​ພິ ເສດແມ່ນ​ມີ​ຄວາມ​ຈຳເປັນ ແລະ ສຳຄັນ​ຢ່າງ​ຍິ່ງເປັນ​ການ​ຍົກ​ລະ ດັບ​ວິຊາ​ສະເພາະ, ພັດທະນາ​ກຳ ລັງ, ເພີ່ມ​ທະວີ​ຄວາມ​ເຂັ້ມແຂງ​ຮອບດ້ານໃຫ້​ແກ່​ສອງ​ກອງທັບ​ໃຫ້​ກ້າວ​ຂຶ້ນ​ຕາມ​ທິດ​ທາງ​ແຜນ​ນະໂຍບາຍ​ຂອງ​ພັກ. ການ​ຊ້ອມ​ຮົບ​ຮ່ວມພາຍ​ໃຕ້​ ລະຫັດ “ສາຍຟ້າ​ແມບ 01” ໄດ້ ປະຕິບັດ​ແຕ່​ວັນ​ທີ 5-17 ກັນ ຍາ 2022 ພາຍ​ໃຕ້​ຫົວ​ບົດ​ຫັດ​ແອບ “ວ່າ​ດ້ວຍ​ວຽກ​ງານ​ການ​ກະກຽມ ແລະ ເຄື່ອນ​ໄຫວ​ສູ້​ຮົບ​ບຸກ​ໂຈມ​ຕີ​ກຸ່ມ​ກະບົດ​ພາຍ​ໃນ” ໂດຍ​ເລັ່ງ​ໃສ່​ເປົ້າ​ໝາຍ​ການ​ນຳ​ໃຊ້​ກຳລັງ​ຕີ​ພິເສດ 1 ກອງພັນ​ປະຕິບັດ​ໜ້າທີ່​ເຄື່ອນ​ໄຫວ​ສູ້​ຮົບ​ຢູ່​ເທິງ​ພື້ນ​ທີ່​ພູມີ​ປະເທດ ແລະ ດິນ​ຟ້າ​ອາກາດ​ທີ່​ມີ​ການ​ປ່ຽນແປງ, ທັງ​ເປັນ​ການ​ອົບຮົມ​ໃຫ້​ນາຍ ແລະ ພົນທະຫານຮູ້ຈັກ​ການ​ນຳ​ໃຊ້​ອາວຸດ​ກະທັດ​ຮັດ​ເບົາບາງ​ເຂົ້າ​ໃນ​ການ​ປະຕິບັດ​ໜ້າທີ່​ສູ້​ຮົບ​ຢ່າງ​ຊຳນິ​ຊຳນານ.

ໂອກາດ​ນີ້, ສະຫາຍ ພົນ​ຕີ ຄຳ​ລຽງ ອຸ​ທະ​ໄກສອນ ຍັງ​ໄດ້​ ຮຽກຮ້ອງ​ໃຫ້​ນາຍ ແລະ ພົນ ທະຫານສອງ​ກອງທັບ ລາວ-ຫວຽດນາມ ຈົ່ງ​ພ້ອມ​ກັນ​ຍົກ​ສູງ​ຄວາມ​ເປັນ​ເຈົ້າ​ການ, ຄວາມ​ຮັບ ຜິດຊອບ​ຂອງ​ຕົນ, ຮັດ​ແໜ້ນ ​ຄວາມ​ສາມັກຄີ​ບົນ​ຈິດໃຈ​ເພີ່ມ​ພູນ​ຄູນ​ສ້າງ, ສົ່ງເສີມ​ສາຍ​ພົວ ພັນ​ມິດຕະພາບ​ອັນ​ຍິ່ງ​ໃຫຍ່, ຄວາມ​ສາມັກຄີ​ພິເສດ ແລະ ການ​ຮ່ວມ​ມື​ຮອບດ້ານ ລາວ-ຫວຽດນາມ, ຫວຽດນາມ-ລາວ ໃຫ້​ນັບ​ມື້​ຈະເລີນ​ງອກ​ງາມ​ຍິ່ງໆ​ຂຶ້ນ, ປະຊາຊົນ​ສອງ​ຊາດ ລາວ-ຫວຽດນາມ ມີ​ຄວາມ​ພາກພູມ​ໃຈ ແລະ ກຽມ​ຕ້ອນຮັບ​ຜົນງານ​ແຫ່ງ​ໄຊຊະນະ​ຂອງ “ສາຍຟ້າ​ແມບ 01” ຢ່າງ​ເປັນ​ຂະ​ບວນ​ຟົດຟື້ນ. ໂດຍ: ເພັດ ສົມນໍວັນ

Leave a Reply

Your email address will not be published. Required fields are marked *