ໃຜແດ່ທີ່ຕິດຕາມການແຂ່ງຂັນບານເຕະໂລກມື້ຄືນນີ້(5 ທັນວາ 2022) ທີ່ກາຕ້າ ເຊິ່ງທີມຍີ່ປຸ່ນແມ່ນໄດ້ເສຍປະຕູໃຫ້ກັບ ໂຄຣອາຊີ 1-3 ແຕ່ການແຂ່ງຂັນຕ້ອງມີຜູ້ໄດ້ຜູ້ເສຍເປັນຂອງທຳມະຊາດ ເຖິງຍີ່ປຸ່ນຈະເປັນຝ່າຍເສຍແຕ່ນັ້ນບໍ່ໄດ້ບັ່ນທອນຄວາມຄິດກອງເຊຍເລີຍແມ່ນແຕ່ນ້ອຍ ແຕ່ກົງກັນຂ້າມກອງເຊຍຍັງແຮັບປີ ເຮັດວຽກເພື່ອເຈົ້າພາບຈົນກາຍເປັນເລື່ອງລາວໂດ່ງດັງໄປທົ່ວໂລກ.
ເຖິງແມ່ນວ່າຍີ່ປຸ່ນຈະຕົກຮອບ 16 ທີມສຸດທ້າຍຂອງບານເຕະໂລກ 2022 ຫຼັງຈາກເສຍໂຄຣອາຊີ 1-3, ແຕ່ແຟນບານຍີ່ປຸ່ນທີ່ເບິ່ງຢູ່ໃນກາຕ້າຍັງສືບຕໍ່ທີ່ຈະຊ່ວຍກັນເກັບຂີ້ເຫຍື້ອອອກຈາກສະໜາມແຂ່ງຂັນ ຫຼັງຈາກຈົບເກມ.
ກິດຈະກຳທີ່ບັນດາແຟນບານໄດ້ປະຕິບັດຕໍ່ເຈົ້າພາບຕອນນີ້ກາຍເປັນຂ່າວໂດ່ງດັງໄປທົ່ວໂລກ ຕ່າງຄົນຕ່າງແຊກັບການກະທຳທີ່ໜ້າຊື່ນຊົມ ເຫຼົ່າແຟນບານຍີ່ປຸ່ນໄດ້ ຊ່ວຍເຈົ້າພາບເກັບຂີ້ເຫຍື້ອທີ່ກອງເຊຍຕ່າງໆມາເຊຍບານແລ້ວຖີ້ມໄວ້ຕາມຂອບສະໜາມໃຫ້ກ້ຽງເກົາສວຍງາມຄືກັບກ່ອນໃຊ້ງານ.
ຍ້ອນຍີ່ປຸ່ມີວັດທະນະທຳແບບນີ້ ຈິ່ງບໍ່ແປກທ່ບ້ານເພິ່ນຈະສະອາດງາມຕາທຸກບ່ອນທຸກທີ່ ຄວາມຈີງແລ້ວມັນເປັນຄວາມຮັບຜິດຊອບຂອງທຸກໆຄົນທີ່ຄວນມີ ເພື່ອຄວາມສະອາດສວຍງານຂອງບ້ານເມືອງ ສິ່ງແວດລ້ອມທີ່ໜ້າຢູ່.
ຈາກເລື່ອງລາວຂອງກອງເຊຍກໍ່ຄືຊາວຍີ່ປຸ່ນນີ້ເຊື່ອວ່າຈະເປັນບົດຮຽນຫຼາຍພໍສົມຄວນແກ່ຊາວໂລກ ແລະຊາວລາວເຮົາໃນນ້ຳໃຈນັກກິລາ ຄວາມຮັບຜິດຊອບຕໍ່ຂີ້ເຫຍື້ອຂອງຕົນ ຢາກໃຫ້ທຸກຄົນມີຄວາມຄິດແບບທີ່ຊາວຍີ່ປຸ່ນເປັນປະເທດເຮົາຈະໜ້າຢູ່ຫຼາຍຂຶ້ນ.
ມາພ້ອມຖົງຢາງ ກຽມພ້ອມເກັບກວາດຮັກສາຄວາມສະອາດຕາມພື້ນທີ່ໆມີການນຳໃຊ້
