ວັນທີ 28 ພະຈິກນີ້ ການນຳຂອງແຂວງນຳໂດຍທ່ານ  ບົວຄົງ ນາມມະ ວົງ  ເຈົ້າແຂວງບໍ່ແກ້ວ, ມີບັນດາການນຳຂອງແຂວງ ເມືອງ, ພະນັກງານວິຊາການອອກສົ່ງນັກກິລາຂອງແຂວງ ທີ່ຫ້ອງວ່າການແຂວງ ເພື່ອເດີນທາງໄປເຂົ້າຮ່ວມແຂ່ງຂັນງານມະຫາກຳກິລາແຫ່ງຊາດ ຄັ້ງທີ 11 ແຂວງຊຽງຂວາງເປັນເຈົ້າພາບ.

ການເຂົ້າຮ່ວມແຂ່ງຂັນງານມະຫາກຳກິລາແຫ່ງຊາດ ຄັ້ງທີ 11 ແຂວງຊຽງຂວາງເປັນເຈົ້າພາບນີ້ ແຂວງບໍ່ແກ້ວໄດ້ເຂົ້າຮ່ວມແຂ່ງຂັນປະກອບມີ 11 ປະເພດຄື: ກິລາໝາກແລ້, ເທຄວັນໂດ, ແລ່ນລານ, ມວຍລາຍລາວ-ມວຍສາກົນ, ກະຕໍ້ຫວາຍ, ບານເຕະ, ບານສົ່ງ, ດອກປີກໄກ່ ລົດຖີບ, ເປຕັງ ແລະ ກິລາປິງປ໋ອງ.

ທ່ານ  ບົວຄົງ ນາມມະວົງ  ເຈົ້າແຂວງບໍ່ແກ້ວ ໄດ້ມີຄຳເຫັນວ່າ: ການຈັດພິທີນຳສົ່ງນັກກິລາຂອງແຂວງ ໃນເທື່ອນີ້ແມ່ນການໃຫ້ກຳລັງໃຈອັນ ອົບອຸ່ນ ພ້ອມກັນເອົາໃຈໃສ່ເຮັດໜ້າຂອງຕົນເຂົ້າໃນການແຂ່ງຂັນໃຫ້ໄດ້ຕາມເປົ້າໝາຍທີ່ວາງໄວ້ ສຸມໃສ່ສະຕິປັນຍາທຸກກຳລັງແຮງຂອງຕົນເຂົ້າໃນການແຂ່ງຂັນຢ່າງຕັ້ງໜ້າ ເພື່ອຍາດຊິງເອົາຫຼຽນຄຳມາສູ່ແຂວງບໍ່ແກ້ວຂອງພວກເຮົາຢ່າງພາກພູມໃຈ.

ຂຽນ: ບຸນຈັນ ມະນີໄຊ. ພາບ ຄຳພັນ ແກ້ວມະນີ