ສຳນັກຂ່າວຣອຍເຕີລາຍງານໃນວັນທີ 3 ຕຸລາ 2022 ວ່າ: ລາຄານ້ຳມັນດິບທີ່ຊື້ – ຂາຍໃນຕະຫຼາດອາຊີ ໃນວັນທີ 3 ຕຸລາ 2022 ປັບຂຶ້ນກວ່າ 3% ຫຼັງຈາກທີ່ມີຂ່າວວ່າ ກຸ່ມຜູ້ຜະລິດ ແລະ ສົ່ງອອກນ້ຳມັນ ( ໂອເປັກ ) ແລະ ຊາດພັນທະມິດ ( ໂອເປັກ ພລັສ ) ກຽມພິຈາລະນາປັບຫຼຸດກຳລັງການຜະລິດລົງ.
ລາຄານ້ຳມັນດິບ ເວສເທັກຊັສ ( WTI ) ປັບຂຶ້ນ 3,3% ຢູ່ທີ່ 82,12 ໂດລາສະຫະລັດຕໍ່ບາເຣວ ແລະ ນ້ຳມັນດິບເບຣນ ປັບຂຶ້ນ 3,3% ຢູ່ທີ່ 87,94 ໂດລາສະຫະລັດຕໍ່ບາເຣວ. ທັງນີ້, ກຸ່ມໂອເປັກ ແລະ ໂອເປັກພລັສ ຈະຈັດກອງປະຊຸມໃນກາງເດືອນຕຸລານີ້ ທີ່ປະເທດໂອຕຣິດ ເຊິ່ງຄາດວ່າຈະປຶກສາຫາລືເພື່ອຫຼຸດກຳລັງການຜະລິດລົງ 1 ລ້ານບາເຣວຕໍ່ວັນ.
